Bakının baş planının əsas məqsədlərindən biri çoxmərkəzli şəhər infrastrukturunun yaradılmasıdır.
Titul.az xəbər verir ki, Planın icrası ilə Mərkəzi Bakının yüklənməsinin azaldılması, şəhərətrafı ərazilərin cəlbediciliyinin artırılması və gücləndirilməsi, mənzil fondunun müasirləşdirilməsi hədəflənir.
Plana əsasən, Zığ və Hövsan, Sabunçu, Binəqədi və Lökbatan 4 alt mərkəz hesab ediləcək. Binəqədi şəhərin şimal qapısı, Lökbatan isə qərb qapısı rolunu oynayacaq. Zığ və Hövsan sahilyanı yaşayış məntəqələri və istirahət məkanlarının birgə inkişaf etdiriləcəyi ərazi kimi nəzərdə tutulur. Sabunçu hava limanı şəhər kimi inkişaf etdiriləcək, Binəqədidə Böyükşor gölünün bərpası ilə istirahət imkanları, Lökbatanda isə logistika imkanları artırılacaq.
Planda diqqət çəkən əsas məqamlardan biri də Qaraçuxurun Mərkəzi Bakı ərazisinə daxil edilməsidir. /azxeber.com
01:05 - 10 Yanvar 2024