Zəfər Günü və Azərbaycan Respublikasının Dövlət Bayrağı Günü ilə əlaqədar 8, 9 və 10 noyabr tarixlərində bütün "ASAN xidmət" və "ASAN kommunal" mərkəzlərində qeyri-iş günü olacaq.
Bu barədə Titul.az-a Prezident yanında Vətəndaşlara Xidmət və Sosial İnnovasiyalar üzrə Dövlət Agentliyindən (ASAN Xidmət) məlumat verilib.
Bildirilib ki, 11 noyabr tarixindən vətəndaşlar Bakı şəhərində yerləşən 2 və 5 saylı "ASAN xidmət" mərkəzləri istisna olmaqla (14 noyabr tarixinədək) digər mərkəzlərə müraciət etməklə xidmətlərdən yararlana bilərlər.
11, 12 və 13 noyabr tarixlərinə hazır sənədlərini 2 saylı Bakı "ASAN xidmət" mərkəzindən əldə etməli olan vətəndaşlarımızdan 6 saylı Bakı "ASAN xidmət" mərkəzinə, 5 saylı Bakı "ASAN xidmət" mərkəzindən əldə etməli olan vətəndaşlarımızdan isə 7 saylı Bakı "ASAN xidmət" mərkəzinə müraciət etmələrini xahiş edirik.
11:24 - 7 Noyabr 2024