Ekspert zəlzələ riski ilə bağlı xəbərdarlıq edib.

Milli.Az xəbər verir ki, professor Oğuz Cem Çelik 7 baldan güclü zəlzələ olacağına dair əhalini məlumatlandırıb.

İstanbul Texniki Universitetinin professorunun dediyinə görə zəlzələ xüsusilə Tekirdağ vilayətində güclü hiss olunacaq. İstanbulda da zəlzələ olacağını bildirən Oğuz Cem Çelik Tekirdağla bağlı xüsusi xəbərdarlıq edib.

"1912-ci ildə Şarköydə güclü zəlzələ olub. İndi isə Mərmərə dənizində. Tekirdağda 7 ballıq zəlzələ gözlənilir, bu bölgə zəlzələyə hazır deyil"

"İstanbul da belə hadisədən sığortalanmayıb, bu şəhər üçün də risklər var. Lakin, zəlzələdən ən çox Tekirdağ zərər görə bilər", - deyə ekspert bildirib.

Əsrin fəlakəti

Türkiyədə "əsrin fəlakəti" ifadəsi, 2023-cü il fevralın 6-da baş verən böyük zəlzələni təsvir etmək üçün istifadə olunur. Bu zəlzələ Türkiyənin cənub-şərqində, Kahramanmaraş və ətraf bölgələrində, eləcə də Suriyada çox böyük dağıntılara səbəb olub. Zəlzələ iki güclü təkan ilə baş verdi: biri 7.8 bal gücündə, digəri isə bir neçə saat sonra 7.5 bal gücündə idi. Bu zəlzələ nəticəsində on minlərlə insan həyatını itirib, yüz minlərlə insan yaralanıb və milyonlarla insan evsiz qalıb.

Bu zəlzələ həm də humanitar fəlakət olaraq qəbul olunur, çünki onun təsiri həm yerli infrastrukturu məhv etdi, həm də çox geniş bir ərazini əhatə etdi. Zəlzələnin miqyası və nəticələri səbəbindən, bu hadisə tez-tez "əsrin fəlakəti" kimi xatırlanır.

13:09 - 23 Oktyabr 2024