Bakıda gecə klubunda baş vermiş hadisəyə görə 5 nəfər saxlanılıb.
DİN-in Mətbuat Xidmətindən Titul.az-a bildirilib ki, oktyabrın 21-də saat 3 radələrində paytaxtın Xətai rayonu ərazisində yerləşən restoranların birində 2000-ci il təvəllüdlü qadının döyülməsi, 1984-cü il təvəllüdlü Ş.Mustafayevə və 1994-cü il təvəllüdlü F.İsmayılova kəsici alətlə xəsarətlər yetirilməsi barədə polisə məlumat daxil olub.
Polis əməkdaşlarının keçirdikləri tədbirlərlə əməli törətməkdə şübhəli bilinən, biri əvvəllər məhkum olunmuş şəxs olmaqla, 5 nəfər müəyyən olunaraq saxlanılıb. Araşdırma aparılır.
Xatırladaq ki, hadisə Ağ Şəhərdə yerləşən "Pubar" gecə klubunda baş verib. Bıçaqlanan şəxslərdən F.İsmayılov Bakı şəhər Nərimanov rayonunda yerləşən fitness klublardan birinin sahibidir.
12:23 - 22 Oktyabr 2024