Keçmiş vəkil Elman Paşayev Yelena Blinovskayanın əri Alekseydən onları cinayət təqibindən azad etdiyinə görə külli miqdarda pul almaqda şübhəli bilinərək Moskvada saxlanılıb.

Titull.az xəbər verir ki, bu barədə Rusiya Federasiyası İstintaq Komitəsinin (BQR) rəsmi nümayəndəsi Svetlana Petrenko bildirib.

“Keçmiş vəkil Elman Paşayevə qarşı Rusiya Federasiyası Cinayət Məcəlləsinin 159-cu maddəsinin 4-cü hissəsi (xüsusilə külli miqdarda dələduzluq) ilə cinayət işi açılıb”, – deyə Petrenko çərşənbə axşamı jurnalistlərə bildirib.

O qeyd edib ki, Paşayev Moskvada saxlanılıb: “Onun barəsində həbs-qətimkan tədbirinin seçilməsi məsələsi hazırda müzakirə olunur”.

“İstintaq müəyyən edib ki, 2024-cü ilin fevralında Paşayev Moskvada Aleksey Blinovski ilə şəxsi görüşü zamanı külli miqdarda pul mükafatı müqabilində guya Blinovski və onun həyat yoldaşı Yelena Blinovskayanı əvvəllər açılmış cinayət işi üzrə cinayət məsuliyyətindən azad etmək imkanı əldə etdiyinə əmin olub”, – Petrenko bildirib.

Məlumata görə, razılığa gələn Paşayev Blinovskidən xüsusilə külli miqdarda pul alıb.

Qeyd edək ki, Blinovskaya adlı rusiyalı bloger, məşhur şəxsi inkişaf marafonu “Arzular Marafonu”nun yaradıcısı 2023-cü il aprelin 27-də xaricə getmək istəyərkən saxlanılıb. İstintaq onu vergidən yayınmada və çirkli pulların yuyulmasında ittiham edir. Müstəntiqlərin fikrincə, Blinovskaya biznesin parçalanması sxemindən istifadə edərək internet vasitəsilə informasiya xidmətləri göstərərək, əldə etdiyi gəliri lazımi səviyyədə qiymətləndirməyib və 2019-2021-ci illər üçün ümumi məbləği 918 milyon rubldan çox olan ƏDV və fərdi gəlir vergisini ödəməyib. Eyni zamanda, Blinovskaya ərini və digər naməlum şəxsləri şərik kimi cəlb edib. Dindirilmə zamanı bloger günahını tamamilə etiraf edib və əməlindən peşman olub.

Hazırda Blinovskaya istintaq təcridxanasındadır. / Viral.az

09:19 - 17 Sentyabr 2024