ABŞ-də qayıqdan yıxılan və qarlı ərazidə 5 gün ac-susuz sağ qalan yaşlı kişi sağ-salamat tapılıb.

Titul.az xəbər verir ki, 73 yaşlı Tomas Qrey adlı şəxs ayağından yaralansa da, iki gün taxta tualetdə gizlənib. Ümid edib ki, gün ərzində başqa səyyahlar çay boyu keçəcəklər və onun vəziyyətindən xəbər tutacaqlar.

Lakin ümidləri bir nəticə verməyib. Həmin günlər havanın temperaturu sıfırdan aşağı düşüb. Ətrafda olan qar isə Qreyə su mənbəyi kimi xidmət edib. Belə ki, o, bu müddət ərzində yalnız qar yeyərək sağ qala bilib. Bu zaman onun qayığının qalıqları artıq aşkar edilib və səlahiyyətlilər axtarışa başladıqdan sonra hadisənin baş verməsinin beşinci günü aşkar edilərək xilad edilib. 

Sonradan məlum olub ki, Qreyin kiçik qardaşı 2022-ci ildə elə həmin ərazidə çayda bataraq həlak olub.

18:08 - 29 May 2024